Ոչ պարենային ապրանքները աճել են 0.1%-ով

2012թ. օգոստոսին, հուլիսի համեմատ, ոչ պարենային ապրանքների շուկայում գրանցվել է 0.1% գնաճ, ինչը հիմնականում պայմանավորվել է խոհանոցային սպասքի՝ 0.1%, կենցաղային էլեկտրաապրանքների՝ 0.1%, գորգեղենի՝0.2%, շինանյութերի՝ 0.4%, կահույքի՝ 0.7%, դեղամիջոցների՝ 0.8%, գրենական պիտույքների՝ 1.0%, լվացող միջոցների՝ 1.2%, գեղահարդարման ապրանքների՝1.2%, վառելիքի՝1.4%, անձնապիտո ապրանքների՝2.2% գնաճով: Դրան զուգընթաց, հանրապետությունում արձանագրվել է մշակույթի ապրանքների՝ 3.2%, կոշկեղենի՝1.9%, ոսկերչական ապրանքների՝1.5%, հագուստի և գործվածքի՝0.7%, այգեգործական ապրանքների՝0.3% տեքստիլեղենի՝ 0.1% գնանկում:

Այս տարվա օգոստոսին, հուլիսի համեմատ, հանրապետությունում արձանագրվել է բենզինի՝ 0.1% գնանկում և դիզելային վառելիքի՝ 1.0% գնաճ: 2012թ. օգոստոսին բենզինի գների միայն երրորդ դիտարկման ժամանակ՝ օգոստոսի 20-ին արձանագրվել է գնաճ, ռեգուլյար տեսակի բեզինի 1 լիտրի միջին գինը հանրապետությունում կազմելով 490 դրամ՝ 2-րդ դիտարկման համեմատ աճելով 3.2%-ով: Սակայն օգոստոսին ձևավորված միջին ամսական գինը հուլիսի համեմատ ունեցել է նվազման միտում՝ 0.1%:

2012թ. օգոստոսին, 2011թ. օգոստոսի համեմատ, բենզինի և դիզելային վառելիքի գներն աճել են համապատասխանաբար 4.2% և 3.9%-ով, իսկ 2011թ. դեկտեմբերի համեմատ՝ 8.7% և 4.4%-ով:

Հանրապետության դիտարկված 7 քաղաքներում 2012թ. օգոստոսին, հուլիսի համեմատ, արձանագրվել է ոչ պարենային ապրանքների 0.3-1.2% գնաճ, 2-ում՝ 1.1-0.1% գնանկում, իսկ Երևան և Կապան քաղաքներում պահպանվել է գների նախորդ ամսվա մակարդակը: