The New York Times. ԵԿԲ-ն որոշել է պետական պարտատոմսեր գնել խնդիրներ ունեցող երկրներից

Եվրոպական կենտրոնական բանկը հայտնել է, որ որոշում է կայացվել խնդիրներ ունեցող երկրներից գնել պետական պարտատոմսեր բաց շուկայում, սակայն ժամկետներն անորոշ են մնացել:

Այսպիսով, ինչպես և շատ վերլուծաբաններ զգուշացրել էին, ԵԿԲ-ն անմիջապես օգնություն չի ցուցաբերի այնպիսի երկրներին, ինչպիսին է, օրինակ, Իսպանիան, որը հույս ունի ԵԿԲ-ի՝ արժեթղթերի շուկա ներխուժելը կնպաստի իր պարտքերի վճարների չափերի նվազեցմանը: Եվրագոտու՝ խնդիրներ ունեցող երկրները այդպիսի օգնություն են ուզում այն բանի համար, որպեսզի կարողանան մարել իրենց պարտքերը և կարողանան նպաստել տնտեսությունների առաջընթացին, որոնք արդեն 2 տարի է ճգնաժամի մեջ են:

Ըստ էության, Մարիո Դրագին խնդիրներ ունեցող երկրների համար առաջարկում է հետևյալ քայլերը. նրանք պարտավոր են պաշտոնապես դիմել ԵԿԲ-ին՝ բաց շուկայում իրենց պարտատոմսերը գնելու համար և պարտավոր են հետևել իրենց պարտքերը մարելու պայմաններին ու հետևեն ֆինանսական կարգապահությանը: Բայց արդյոք երկրներն ի վիճակի կլինե՞ն բավարարել տվյալ պայմաններին ժամանակի ընթացքում:

ԵԿԲ-ի՝ պարտատոմսերի գնման ծրագիրը մեծ վիճաբանությունների առիթ է ստեղծել, նամանավանդ գերմանացիների շրջանում, որոնք մինչև հիմա պնդում են, որ այդպիսի քաղաքականությունը հակասում է ԵԿԲ-ի՝ ինֆլյացիայի վերահսկման մանդատին, ուստի եվրագոտու թույլ երկրներին օգնություն ցույց տալը սխալ են համարում:

«Մենք հավաստիացնում ենք, որ գործում ենք մեր լիազորությունների շրջանակում»,- ասել է Մարիո Դրագին Ֆրանկֆուրտում տեղի ունեցած մամուլի ասուլիսի ժամանակ:

ԵԿԲ-ն հայտնել է նաև, որ տոկոսադրույքները պապհպանելու ռեկորդային ցածր՝ 0.75%-ի սահմաններում բանկը մոտ երեք անգամ նվազեցրել է հիմնական տոկոսադրույքի մակարդակը, քանի որ Մ. Դրագին նախագահ է դարձել անցյալ տարվա նոյեմբերին, սակայն նա և ԵԿԲ-ի մնացած պաշտոնյաները բողոքում էին, որ շուկայական տոկոսադրույքների մակարդակը շատ բարձր է, նույնիսկ այն երկրներում, որոնք ավելի շատ են զգում օժանդակ վարկերի կարիքը:

ԵԿԲ-ն արդեն հասցրել է հասկացնել, որ պարտատոմսերը գնելու են 2 կամ 3 տարի մարման ժամկետներով, այլ ոչ թե երկարաժամկետ: ԵԿԲ-ն նշել է նաև, որ գնելու են միայն այն երկրների պարտատոմսերը, որոնք սահմանված կարգով կդիմեն Եվրամիություն և կհետևեն դրված պայմաններին: