Lufthansa-ն գործադուլի պատճառով չեղյալ է հայտարարել 1200 չվերթ
Տնտեսություն
Lufthansa ավիաընկերության ուղեկցորդները 24-ժամյա գործադուլ են սկսել՝ ստիպելով գերմանական ավիաընկերությանը չեղյալ հայտարարել ուրբաթ, շաբաթ և կիրակի օրերին նախատեսված 1200 չվերթ։ Ավիաընկերությունը ստիպված է եղել չեղյալ հայտարարել բոլոր չվերթների երկու երրորդը, որոնք պետք է իրականացվեին հինգշաբթի երեկոյան, ինչն էլ կանրադառնա հազարավոր ուղևորների վրա։ UFO արհկոմի կազմակերպելիք գործադուլին կմասնակցեն Գերմանիայի վեց խոշոր օդանավակայանների ուղեկցորդներ, այդ թվում նաև՝ Ֆրանկֆուրտի, Բեռլինի և Մյունխենի:
Արհմիությունը պահանջում է ինքնաթիռների աշխատակազմի աշխատավարձի 5-տոկոսանոց աճ և աշխատատեղերի պահպանման երաշխիք։
UFO-ն ներկայացնում է մոտ Lufthansa ավիաընկերության19,000 ուղեկցորդների և ուղեկցորդուհիների երկու երրորդի շահերը։ Ըստ արհմիության՝ աշխատավարձերը չեն բարձրացել արդեն երեք տարի: Գործադուլի կազմակերպիչները նաև պահանջում են չփոխանցել աշխատատեղերը աութսորսինգի և չգրավել ժամանակավոր աշխատակիցների, ինչպես եղավ Բեռլինի օդանավակայանում։
Lufthansa-ի մամուլի քարտուղար Կլաուս Վալտերն ասել է, որ ավիաընկերությունն իր հերթին պատրաստ է չերկարաձգել ժամանակավոր վարձակալության պայմանագրերը և դադարեցնել ժամանակավոր աշխատողների օգտագործումը, սակայն աշխատավարձերը համաձայն է բարձրացնել մինչև 3,5%:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
