Լևոն Բարսեղյան.Կինոն առջևում է

«Քաղաքը մերն է» քաղաքացիական նախաձեռնության անդամ Լևոն Բարսեղյանը Facebook սոցիալական ցանցի իր էջում գրում է.

«Կինոն առջևում է

Այն հանգամանքը, որ մեր հրապարակային մի քանի տասնյակ զգուշացումներից հետո, այսօր Գյումրի քաղաքի միլիցոնց քթի տակ 2-3 հազարանոց ընտրակաշառք էին բաժանում ընտրողների (Մալայա Զեմլյա, Ինտերնացիոնալի՝ Զույգ Աղբյուրի մրգի խանութի մոտ, Պողպատավան' Խանջյան փողոց, Սլաբոդկա), մեզ հուշում է, որ միլիցիք բաժանողների հետ կամ փայ են կամ իրենց «ոստիկանական շտաբից» քարտ բլանշ ունեն՝ չխոչընդոտել բաժանողներին:

Առաջին ահազանգերն ստացանք ժամը 20:40-21:00-ին՝ մթնելու հետ, իմացանք՝ որ տներում էին բաժանում: Երկու տարբերակ կար, կամ գնալ մտնել տներըք՝ խշրել ամեն ինչ ու գնալ նստել, կամ վեր ընկնել տեղերս, մխիթարվելով, որ էդ սորտը քանի գնում նվազում է ու վազը քթներից ենք բերելու:

Մտքներով չանցավ միլիցոնց դիմել, իրենք ամեն ինչ մեզնից էլ լավ գիտեն:

Զանգողների մեջ վերցնողներ էլ կային, որոնք հրճվանքով ասում էին, թե «...վերցրել ենք, բայց գնում ենք վաղը ձեր կամանդին ընտրենք...»: Սա էլ կարելի է մխիթարություն համարել:

Բայց կինոն առջեւում է, ու մենք ամիսներ առաջ ենք ընդունել այդ մարտահրավերը. էդ փողովները, որ հանկարծ ընտրվեցին, երրորդ նիստից հասկանալու են, որ բախտները չի բերել մեղմ ասած, ոչ մի կոպեկ չեն կարողանալու ետ բերել, ու վախենամ՝ էլ չգան նիստերի: Իսկ բաժանողներին անուն առ անուն գիտենք, տարակույս չունենաք»:

Հիշեցնենք, որ «Քաղաքը մերն է» քաղաքացիական նախաձեռնությունը Գյումրիի ՏԻՄ ընտրություններում առաջադրել է ավագանու 7 թեկնածու: