Աֆրոամերիկացու սպանության գործով Մինեապոլիսում տասնյակ մարդիկ են ձերբակալվել
Համաշխարհային Մամուլ
Մինեապոլիսում տասնյակ մարդիկ բերման են ենթարկվել, երբ նրանք հավաքվել էին՝ պարզաբանում պահանջելու չորեքշաբթի ոստիկանության կողմից աֆրիկացի ամերիկացի Դոլալ Բեյլ Իդի սպանության կապակցությամբ, հաղորդում է KSTP-ն: Այս ամռանը ձերբակալության ժամանակ աֆրոամերիկացի Ջորջ Ֆլոյդի սպանվելուց հետո Մինեապոլիսում սա ոստիկանի ձեռքով կասկածյալի մահվան առաջին դեպքն է: Ինչպես ավելի վաղ հայտնել էր ոստիկանությունը, 23-ամյա Իդը կասկածվում էր հանցագործության մեջ և, ականատեսների խոսքով, առաջինն է զենք պարզել:
Ինչպես հայտնի է, Մինեապոլիսում աֆրոամերիկացի Ջորջ Ֆլոյդի մահից հետո բողոքի ալիք բարձրացավ ոստիկանության բռնության և ռասիզմի դեմ Միացյալ Նահանգների, այնուհետև ամբողջ աշխարհի շատ խոշոր քաղաքներում: Ողջ երկրի տարածքում բողոքի ցույցերն ուղեկցվում էին բախումներով, հրկիզումներով, թալաններով և ջարդերով: Ոստիկանության մեկ սպա մեղադրվեց սպանության մեջ, ևս երեքը՝ սպանությանը մեղսակցության մեջ: Այս գործով դեռևս դատավճիռ չի կայացվել:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
