Մահացել է դերասան Մարկ Իդենը

92 տարեկան հասակում կյանքից հեռացել է բրիտանացի դերասան Մարկ Իդենը, որը հայտնի է «Բժիշկ Ով» և «Թագադրման փողոց» սերիալներում իր դերերով: Այս մասին հայտնում է Sun-ը՝ վկայակոչելով դերասանի գործակալի հայտարարությունը: «Ցավով հայտնում ենք դերասան Մարկ Իդենի մահվան մասին: Այսօր՝ 2021 թվականի հունվարի 1-ին, նա մահացավ հիվանդանոցում: Մարկը վերջին շրջանում ուներ Ալցհայմերի հիվանդություն և հոսպիտալացվել էր նոյեմբերին», - ասել է դերասանի գործակալը: Կինոյի և հեռուստատեսության ասպարեզում իր 50-ամյա կարիերայի ընթացքում նա նաև 1965 թվականին նկարահանվել է «Բժիշկ Ժիվագո» ֆիլմում և Ագաթա Քրիստիի «Պուարոյի» դրվագներից մեկում: