Տեղաբաշխվել են 1 մլրդ 500 մլն դրամ ծավալով պարտատոմսեր

Այսօր՝ սեպտեմբերի 10-ին, տեղի է ունեցել 26 շաբաթ մարման ժամկետով պետական (գանձապետական) կարճաժամկետ AMGT26113132 թողարկման պարտատոմսերի տեղաբաշխման աճուրդ:

Տեղաբաշխման ենթակա պարտատոմսերի ծավալը 1 մլրդ 500 մլն դրամ է, իսկ պահանջարկը՝ 1 մլրդ 677 մլն 795 հազար դրամ, որից մրցակցային է 1 մլրդ 527 մլն 795 հազար դրամը, ոչ մրցակցային՝ 150 մլն դրամ: Պարտատոմսերի տեղաբաշխման ծավալը կազմել է 1 մլրդ 500 մլն դրամ: Տեղաբաշխումից ստացված հասույթը կազմել է 1,433,438,892 դրամ: Տեղաբաշխման միջին կշռված եկամտաբերությունը 9.1849% է, տեղաբաշխման սահմանային եկամտաբերությունը՝ 9.7005%:

Աճուրդին մասնակցել են 5 դիլեր և գանձապետական պահառուն: