Պուտինի մեսիջն ընդդիմությանը

«Քաղաքացիների մեծամասնության ճնշումներին տեղիք տալով` մենք պատրաստ ենք երկխոսություն սկսել ընդդիմադիր տրամադրված զանգվածի հետ, և նրանց խոսելու հնարավորություն տալ ցույցերի ժամանակ»,- այս մասին այսօր ասել է վարչապետ Վլադիմիր Պուտինը "Ռուսաստանի համաժողովրդական ճակատ"-ի խորհրդի նիստում:

Ըստ Պուտինի, եթե մարդիկ օրենքի շրջանակում են ցույցեր անցկացնում, ուրեմն նրանց պետք է թույլ տալ արտահայտել սեփական կարծիքը. «Մենք ոչ մի դեպքում չպետք է խախտենք քաղաքացիական իրավունքները»,- ասել է Պուտինը: 

Սակայն ՌԴ վարչապետը նշել է, որ «եթե որեւէ մեկն իր գործողություններով խախտում է օրենքը, ուրեմն իրավապահ մարմինները պետք է պահանջեն դրանք իրականացնել օրինականության սահմաններում»:

«Ցույցերի հիմնական կազմակերպիչները շարժվում են՝ իրենց քաղաքական ամբիցիաներից ելնելով, բայց մարդկանց մեծ մասը չի ցանկանում Ռուսաստանում տեսնել այնպիսի քաղաքական զարգացումներ, ինչպիսիք եղան Ղըրղզստանում եւ Ուկրաինայում», - ասել է Պուտինը: