Գագիկ Բեգլարյանն ընդունեց Ռամոն Աիգեի գլխավորած պատվիրակությանը

Հայաստանի Հանրապետության տրանսպորտի եւ կապի նախարար Գագիկ Բեգլարյանը սեպտեմբերի 11-ին ընդունել է «Հյուսիս-հարավ» ճանապարհային միջանցքի ներդրումային ծրագրի՝ Տրանշ-1 եւ Տրանշ-2 ճանապարհի վերակառուցման եւ բարելավման աշխատանքների կապալառու «Կորսան Կորվիամ Կոնստրուկսյոն Էս Ա» ընկերության ներկայացուցիչներին՝ Եվրոպայի վարչության կառավարիչ Ռամոն Աիգեի գլխավորությամբ:

Հանդիպմանը ներկա էր նաեւ «Հյուսիս-հարավ ճանապարհային միջանցքի ներդրումային ծրագրի իրականացման կազմակերպություն» ՊՈԱԿ-ի ղեկավար Արա Հովսեփյանը:

Ռամոն Աիեգեն նախարարին ներկայացրել է իրականացվող աշխատանքների ընթացքը, նշել, որ սեպտեմբերի 13-ին շինարարության մեկնարկի համար կատարվող նախապատրաստական աշխատանքներն ավարտվում են և որեւէ խնդիր չկա՝ դրանք սկսելու համար:

Նախարար Գագիկ Բեգլարյանը կարեւորել է աշխատանքների կազմակերպման օպերատիվությունը, սարքավորումների ժամանակին ներկրումը, աշխատանքները նախանշված ժամկետում ավարտելը:

Ռամոն Աիեգեն նախարարին խոստացել է, որ «Կորսան Կորվիամ Կոնստրուկսյոն Էս Ա» իսպանական ընկերությունը «Հյուսիս-հարավ» ճանապարհային միջանցքի ներդրումային ծրագրի՝ Տրանշ-1 եւ Տրանշ-2 ճանապարհի վերակառուցման եւ բարելավման աշխատանքները կավարտի սահմանված ժամկետում: