ՄԱՊ-ի փոխարեն Արտֆուդն է լոլիկ մթերում
Տնտեսություն
ՄԱՊ ընկերությունը կաթսայատան հետ կապված արտադրական լուրջ խնդիրներ ունի, որի պատճառով չի կարողանում կատարել լոլիկի մթերումներ:
ՄԱՊ ընկերության ֆինանսական բաժնի տնօրեն Անդրանիկ Խաչատրյանը հայտարարել է, թե տվյալ պահին վերանորոգման աշխատանքներ են ընթանում: «Երբ վերջացնենք ամպաման կմթերենք ու ոչ մի խնդիր չի լինի: Գյուղացիները տեղյակ էին, որ մեր մոտ վերանորոգման աշխատանքներ են ընթանում, հիմա էլ գիշեր-ցերեկ աշխատում ենք, որ շուտափույթ այդ հարցին լուծում տանք, բայց առաջիկա մի քանի օրերի ընթացքում գյուղացիները կարող են իրենց բերքը մթերել Արմավիր մարզի այլ մթերող ընկերություններ»,- ասել է նա:
Հայաստանի գյուղատնտեսության փոխնախարար Ռոբերտ Մակարյանն իր հերթին ասել է. «Գյուղացիները կարող են հավաքած լոլիկները տանել Արտաշատի պահածոների գործարան՝ «Արտֆուդ», մինչեւ ՄԱՊ-ի խնդիրները լուծվեն: Այստեղ լոլիկն ընդունում են 35 դրամով, որը նորմալ գին է»։
Նշենք, որ օրերս Արմավիրի մարզի գյուղացիները տարել էին իրենց լոլիկը ՄԱՊ և անակնկալի եկել. գործարանը հրաժարվել էր լոլիկը մթերել՝ պատճառաբանելով, որ խնդիրներ ունի։
Նման իրավիճակում են հայտնվել Այգավան, Արաքս և Մյասնիկյան համայնքների գյուղացիները:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
