«ԱՄՆ պետքարտուղարի կոչն ազդանշան էր Ռուսաստանի ընդդիմությանը». Վլադիմիր Պուտին
Ռուսաստան
Ինչպես հաղորդում են ռուսական լրատվամիջոցները՝ այսօր վարչապետ Վլադիմիր Պուտինը «Համառուսաստանյան ժողովրդական ճակատ»-ի խորհրդի նիստում ասել է, որ ԱՄՆ պետքարտուղար Հիլարի Քլինթոնի՝ նախօրեին արած հայտարարությունը (Ռուսաստանում Պետդումայի ընտրությունները տեղի են ունեցել լուրջ խախտումներով) ազդանշան էր ռուս ընդդիմադիր գործիչներին, որն էլ նպաստեց նրանց կողմից ձեռնարկված ակտիվ գործողություններին:
Պուտինը տարօրինակ է համարել Քլինթոնի մեկնաբանությունները, քանի որ պետքարտուղարն առանց ԵԱՀԿ ԺՀՄԻԳ-ի (ԵԱՀԿ Ժողովրդավարական հաստատությունների և մարդու իրավունքների գրասենյակ) դիտորդական առաքելության եզրակացությանը ծանոթանալու է հայտարարություններ արել:
«Նրա այդ եզրակցությունն ազդանշան է հանդիսացել Ռուսաստանի ներսում որոշ ընդդիմադիր գործիչների ակտիվ գործունեությանը նպաստելու համար», - ասել է Պուտինը:
Հիշեցնենք, որ վերջին օրերին Մոսկվայում և Սանկտ Պետերբուրգում հազարավոր մարդիկ իրենց բողոքի ցույցեր են անցկացնում` դեկտեմբերի 4-ին անցկացված Պետդումայի ընտրությունների արդյունքները կեղծելու համար: Բոլոր սոցիալական ցանցերով կոչ է արվում շաբաթ օրը` դեկտեմբերի 10-ին, անցկացնել համառուսաստանյան բողոքի ակցիա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
