«Հյուսիս-Հարավ ճանապարհային միջանցք» ծրագրի շինարարության պաշտոնական մեկնարկը

Սեպտեմբերի 13-ին՝ ժամը 10:00-ին, Երեւան-Արարատ ճանապարհահատվածի շինարարական սկզբնամասում (ԿՄ 9+312) տեղի կունենա «Հյուսիս-Հարավ ճանապարհային միջանցք» ծրագրի շինարարության պաշտոնական մեկնարկը, որին կմասնակցեն ՀՀ տրանսպորտի եւ կապի նախարար Գագիկ Բեգլարյանը, «Հյուսիս-հարավ ճանապարհային միջանցքի ներդրումային ծրագրի իրականացման կազմակերպություն» ՊՈԱԿ-ի գլխավոր գործադիր տնօրեն Արա Հովսեփյանը, ՀՀ կառավարության եւ տեղական ինքնակառավարման մարմինների պաշտոնատար անձինք, շինարարական աշխատանքներն իրականացնող կազմակերպությունների պատասխանատուներ, Ասիական Զարգացման Բանկի ներկայացուցիչներ եւ այլ հյուրեր: Ներկա է լինելու նաև շինարարությունն իրականացնող՝ իսպանական Izolux Corsan ընկերության նախագահ պարոն Ֆրանսիսկո Գարսիան: Այս մասին հայտնում են ՀՀ տրասնպորտի եւ կապի նախարարությունից։

Նախատեսվում են մի շարք միջոցառումներ, այդ թվում՝ Երեւան-Արարատ ճանապարհահատվածի շինարարության սկիզբը խորհրդանշող հիմնաքարի տեղադրման արարողություն, Աշտարակ քաղաքում Isolux Corsan շինարարական ընկերության եւ «Safege» (Բելգիա) ինժեներական ընկերության համատեղ գլխամասային գրասենյակի հանդիսավոր բացում և այլն:

Լրագրողներին տեղափոխող միկրոավտոբուսները ՀՀ տրանսպորտի եւ կապի նախարարության մուտքի մոտից կմեկնեն ժամը 09:00-ին: