ՄԱՊ–ի Ալիկի որդու ընկերներն ազատ են արձակվել

Սեպտեմբերի 9-ին Բամբակաշատ գյուղում դաժան ծեծկռտուքի հեղինակները՝ 1980–ին ծնված Կառլեն Ե.–ն և 1980-ին ծնված Զոհրաբ Ե.–ն, որոնք օրերս կալանավորվել էին, երեկ՝ դատարանի որոշմամբ ազատ են արձակել։ Ոստիկանության հասարակայնության հետ կապի և լրատվության վարչությունից Լուրեր.com–ին ասացին, որ նրանց նկատմամբ խափանման միջոց ընտրված կալանքը փոխարինվել է գրավով։

Հիշեցնենք, որ սեպտեմբերի 9-ին Արմավիրի Բամբակաշատ գյուղում ավագանու ընտրությունների ժամանակ երկու հոգու ծեծի ենթարկողներից ամենաակտիվներից մեկը եղել է Աժ պատգամավոր Ալեքսանդր Պետրոսյանի որդին՝ Մակարը։

Այն մասին,, որ Մակարի հերքումները սուտ են, թերթերից մեկի հետ զրույցում պնդել են հենց ծեծի ենթարկված անձինք՝ Արման Սարգսյանը և Արամ Մելիքյանը: Նրանք պատմել են իրենց հետ կատարվածի և այն մասին, թե այդ ընթացքում ինչ է արել Մակար Պետրոսյանը: 

Ավելացնենք նաև, որ Ալեքսանդր Պետրոսյանի («ՄԱՊ»–ի Ալիկ) որդին՝ Մակար Պետրոսյանը քրեական գործով այժմ անցնում է ընդամենը վկայի կարգավիճակով։ 

ՄԱՊ–ի Ալիկի որդին և նրա երկու ընկերներն այս պահին ազատության մեջ են։