Հարկային պարտավորությունների վճարումները կհետաձգվեն

Սեպտեմբերի 20-ին տեղի ունեցող ՀՀ կառավարության նիստի ժամանակ քննարկվելու է «Չափագիտության ազգային ինստիտուտի» և «Ստանդարտների ազգային ինստիտուտ» փակ բաժնետիրական ընկերություններին թույլատրել, որ մինչև 2011թ.-ի հունվարի 1-ն ընկած ժամանակահատվածում իրականացված գործունեության արդյունքում ՀՀ պետական բյուջեի հանդեպ առաջացած շահութաբաժնի պարտավորությունները, համապատասխանաբար՝ 19,110.2 հազար դրամի և 16,285.3 հազար դրամի չափով, մարել մինչև 2015թ.-ի դեկտեմբերի 31-ը՝ եռամսյա հավասարաչափ համամասնությամբ:

«Չափագիտության ազգային ինստիտուտ» ՓԲԸ Հայաստանի Հանրապետության պետական բյուջեի հանդեպ շահութաբաժնի 23,407.2 հազար դրամ պարտավորությունից 17,183.2 հազար դրամը առաջացել է ՀՀ ֆինանսների նախարարության աշխատակազմի ֆինանսական վերահսկողության տեսչության ստուգումների արդյունքներով, իսկ 6,224.0 հազար դրամը՝ 2011թ.-ի գործունեության արդյունքներով:

ՀՀ կառավարության 12.01.2012թ. N 10 որոշմամբ «Երևանի օպտիկա-ֆիզիկական չափումների գիտահետազոտական ինստիտուտ» և «Ռադիոֆիզիկայի գիտահետազոտական ինստիտուտ» ՓԲԸ-ները միացվել են «Չափագիտության ազգային ինստիտուտ» ՓԲԸ-ին, ինչի հետ կապված ներկայումս ընկերության կողմից կատարվում են ժամանակավոր լրացուցիչ ծախսեր միավորված ընկերության կազմակերպատնտեսական աշխատանքների իրականացման նպատակով, ուստի ընկերության կողմից շահութաբաժնի նշված պարտավորության միանգամյա մարումը մինչև 2012թ. հուլիսի 1-ը (ՀՀ կառավարության 22.12.2011թ. N 1919 որոշման 6-րդ կետի 2-րդ ենթակետ) ընկերությանը կդնի ծայրահեղ ծանր ֆինանսական վիճակում և այն չի կարողանա կատարել ընթացիկ պարտավորությունների վճարումը աշխատավարձի, հարկային վճարումների և այլնի գծով, ինչը բացասաբար կանդրադառնա ընկերության գործունեության վրա:

«Ստանդարտների ազգային ինստիտուտ» ՓԲԸ Հայաստանի Հանրապետության պետական բյուջեի հանդեպ շահութաբաժնի 20,346.8 հազար դրամ պարտավորությունից 15,048.3 հազար դրամն առաջացել է ՀՀ ֆինանսների նախարարության աշխատակազմի ֆինանսական վերահսկողության տեսչության ստուգումների արդյունքներով, իսկ 6,298.5 հազար դրամը՝ 2011թ.-ի գործունեության արդյունքներով: