Մաքսային և հարկային արտոնություններ կտրվեն

Սեպտեմբերի 20-ի ՀՀ կառավարության նիստի ժամանակ քննարկվելու է «Երևանի համակցված շոգեգազային ցիկլով էլեկտրակայանի (էներգաբլոկ) նախագիծ» վարկային ծրագրի շրջանակներում «անվճար» նշմամբ ՀՀ ներմուծվող ապրանքների նկատմամբ հարկային և մաքսային արտոնություններ կիրառելու մասին նախագիծը:

Նախագծի համաձայն` Հայաստանի Հանրապետության կառավարության 2004 թվականի փետրվարի 26-ի «Մի շարք միջազգային պայմանագրերով նախատեսված հարկային, մաքսային եվ պարտադիր այլ վճարների գծով արտոնությունների կիրառման կարգը հաստատելու մասին» որոշմամբ հաստատված արտոնությունները կիրառել Հայաստանի Հանրապետության կառավարության և Միջազգային համագործակցության Ճապոնիայի բանկի միջև 2005 թվականի մարտի 29-ին ստորագրված «Երևանի համակցված շոգեգազային ցիկլով էլեկտրակայանի (էներգաբլոկ) նախագիծ» ԱՌՄ-Պ2 (ARM-P2) վարկային համաձայնագրով իրականացվող «Երևանի համակցված շոգեգազային ցիկլով էլեկտրակայանի (էներգաբլոկ) նախագիծ» ծրագրի շրջանակներում «Երևանի ջերմաէլեկտրակենտրոն» փակ բաժնետիրական ընկերության և «ՄԻԹՍՈՒԻ & ՔՈ. ԼԹԴ. և ՋՍ ԷՆՋԻՆԻՐԻՆԳ & ԿՈՆՍՏՐԱԿՇՆ ԿՈՐՊ.» կոնսորցիումի (Mitsui & Co. Ltd և GS Engineering & Construction Corp.) միջև 2007 թվականի սեպտեմբերի 30-ին պայմանագրով ծրագրի շահառու «Երևանի ջերմաէլեկտրակենտրոն» փակ բաժնետիրական ընկերության անունով` «Անվճար» նշմամբ Հայաստանի Հանրապետություն ներմուծվող ապրանքների նկատմամբ: