Անապահով ընտանիքները օգտագործված գազի դիմաց զեղչեր կստանան

Սեպտեմբերի 20-ին կայանալիք նիստի ժամանակ քննարկվելու է «ՀայՌուսգազարդ» ՓԲԸ-ին վճարման ենթակա՝ ՀՀ-ում անապահով ընտանիքներին մատակարարված բնական գազի համար տրվող մասնակի փոխհատուցման մասին նախագիծը:

Տվյալ նախագիծը մշակվել է ՀՀ էներգետիկայի և բնական պաշարների նախարարության աշխատակազմի և «Հայռուսգազարդ» ՓԲԸ-ի կողմից:

Նախագծի նպատակն է ՀՀ կառավարության սույն որոշման նախագծի համաձայն ՀՀ էներգետիկայի և բնական պաշարների նախարարության համակարգի պետական ընկերությունների նախորդ տարիների գործունեության արդյունքներով հաշվարկված՝ ՀՀ պետական բյուջե վճարման ենթակա շահութաբաժնի վճարումից հետո ընկերությունների տրամադրության տակ մնացած և չբաշխված շահույթների հաշվին ՀՀ օրենսդրությամբ սահմանված կարգով ապահովել 171,101,280 հազար դրամ գումարի վճարումը «ՀայՌուսգազարդ» ՓԲԸ-ին, որպես ՀՀ-ում անապահով ընտանիքների կողմից 2012թ.-ի ապրիլ-հունիս ամիսներին սպառված բնական գազի համապատասխան քանակության համար մասնակի փոխհատուցման գումարի վճարում: