4 օրում շրջակա միջավայրին հասցվել է 486.8 հազար դրամի վնաս

ՀՀ բնապահպանության նախարարության աշխատակազմի բնապահպանական պետական տեսչության կողմից 10.09-14.09.2012թթ. ընկած ժամանակահատվածում իրականացված ստուգումների, շրջայցերի ընթացքում հայտնաբերված խախտումների քննության արդյունքում կայացվել 500 հազար դր. ընդհանուր գումարով վարչական տուգանքի 7 որոշում և հաշվարկվել 486.8 հազար դր. ընդհանուր գումարով շրջակա միջավայրին հասցված վնաս:

Մասնավորապես՝

Ջրերի պահպանության ոլորտ

Երևանի ՏԲ կողմից կողմից 1 տնտեսվարողի մոտ ստուգման արդյունքում կայացվել է 100 հազար դր. գումարի վարչական տուգանքի որոշում:

Սյունիքի ՏԲ կողմից կողմից 1 տնտեսվարողի մոտ ստուգման արդյունքում կայացվել է 100 հազար դր. գումարի վարչական տուգանքի որոշում և հաշվարկվել է 404.36 հազար դր գումարի բնությանը հասցված վնաս:

Բուսական աշխարհի պահպանության ոլորտ

Երևանի ՏԲ կողմից ստացված ահազարգի ուսումնասիրության ընթացքում արձանագրված խախտման համար 1 ֆիզիկական անձի նկատմամբ կայացվել է 50 հազար դր. գումարի վարչական տուգանքի որոշում:

Սյունիքի ՏԲ կողմից հայտնաբերված ապօրինի ծառահատման գործով հաշվարկվել է 40 հազար դր. գումարի բնությանը հասցված վնաս:

Լոռու ՏԲ վարույթին հանձնված ապօրինի ծառահատման գործով կայացվել է 50 հազար դր. գումարով վարչական տուգանքի որոշում և հաշվարկվել է 22.5 հազար դր. գումարի բնությանը հասցված վնաս:

Հողերի պահպանության ոլորտ

Արագածոտնի ՏԲ աշխատակիցների կողմից իրականացված շրջայցերի ընթացքում արձանագրված խախտման համար 1 ֆիզիկական անձի նկատմամբ կայացվել է 50 հազար դր. գումարի վարչական տուգանքի որոշում:

Ընդերքի պահպանության ոլորտ

Ջրերի վերահսկողության բաժնի կողմից արձանագրված ապօրինի հորատման աշխատանքներ իրականացնելու համար 1 տնտեսվարողի նկատմամբ կայացվել է 80 հազար դր. գումարի վարչական տուգանքի որոշում:

Ապօրինի որս

Շիրակի ՏԲ աշխատակիցների կողմից իրականացված շրջայցերի ընթացքում արձանագրված ձկան ապօրինի որսի համար 1 ֆիզիկական անձի նկատմամբ կայացվել է 70 հազար դր. գումարի վարչական տուգանքի որոշում և և հաշվարկվել է 20 հազար դր. գումարի բնությանը հասցված վնաս: Առգրավվել է 70 գծմ ցանց և 4 կգ կարաս տեսակի ձուկ, ինչը հանձնվել է Գյումրու ծերանոց:

Ընդհանուր առմամբ ԲՊՏ կողմից կիրառված պատժամիջոցներից ՀՀ պետ. բյուջե նշված ժամանակահատվածում մուտք է եղել 2.93 մլն դր. գումար։