Մեդվեդևը Facebook-ում պատասխանել է ընտրակեղծիքների մասին մեղադրանքներին

Ռուսաստանի նախագահ Դմիտրի Մեդվեդևը Ֆեյսբուք սոցիալական ցանիցի իր էջում պատասխանել է վերջերս կայացած խորհրդարանական ընտրություններում բազմաթիվ օրինախախտումների մասին դեկտեմբերի 10–ի հանրահավաքում հնչեցված մեղադրանքներին։

«Ես համաձայն չեմ հանրահավքում հնչած մտքերի հետ, սակայն հանձնարարել եմ հետաքննել ընտրություններում արձանագրված խախտումների բոլոր դեպքերը»,–գրել է ՌԴ նախագահը։

Նա նշել է, որ Ռուսաստանի յուրաքանչյուր քաղաքացի իրավունք ունի ազատորեն արտահայտելու իր գաղափարները, ինչը և տեղի է ունեցել օրենքի սահմաններում: