Բաքվում ստեղծվել է թուրքական հրամանատարության հատուկ խումբ. 4 գեներալներ ժամանել են Ադրբեջան

Չորս թուրք գեներալներ կմիանան հատուկ հրամանատարական խմբին, որն Ադրբեջանում կներկայացնի Թուրքիայի զինված ուժերը:

Այս մասին հայտնում է «Կավկազինֆո»-ն ՝ հղում անելով ռազմական փորձագետ Ադալյաթ Վերդիևին:

Ըստ տեղեկությունների՝ խմբի ղեկավար է նշանակվել Թուրքիայի ցամաքային զորքերի օպերատիվ ստորաբաժանման ղեկավար, գեներալ-մայոր Բախտիյար Էրսեյը:

Գեներալ Աբդուլա Գաթիրչին միացել է Ադրբեջանին նվիրված հատուկ խմբի համատեղ կենտրոնի հրամանատարությանը:

Գեներալ Էնդեր Գյուները նշանակվել է խմբի հրամանատարության շտաբի պետ:

Սրան զուգահեռ՝ փոխվել է նաև Բաքվում Թուրքիայի զինված ուժերի ռազմական կցորդը: Նոր ռազմական կցորդ է նշանակվել գեներալ Զաքարիա Յալչինը:

Նկատենք, որ որոշ ժամանակ առաջ թուրքական լրատվամիջոցները նույնպես տեղեկատվություն էին տարածել այս նշանակումների մասին: Տեղեկատվության համաձայն, չորս գեներալների նշանակումով Բաքվում ավելացել է նաեւ Թուրքիայի զինված ուժերի ներկայացուցիչների թիվը:

Այս թեմայով Ադրբեջանի ՊՆ հերթական ապատեղեկատվությունը․ ՀՀ ԶՈւ-ն կրակ չի բացել Կարևորվել է Ադրբեջանի հետ խաղաղության պայմանագրի՝ առանց արհեստական խոչընդոտների ստեղծման ու ձգձգման կնքումը Վեհափառը կոչ է արել միջազգային հանրությանն ու քույր եկեղեցիներին քայլեր ձեռնարկել՝ զսպելու Ադրբեջանին Ադրբեջանը հերթական նախապայմանն է իջեցնում. Տիգրան Աբրահամյան «Փաստ». Փոխանակ Հայաստանը պահանջի, դեռ մի բան էլ Ադրբեջանն է փոխհատուցման հարց բարձրացնում