Սեքս-սկանդալներ` Ադրբեջանում. համացանցում են հայտնվել տասնյակ հայտնի ադրբեջանցիների մասնակցությամբ էրոտիկ բնույթի տեսագրություններ

Նախօրեին Ադրբեջանի իշխող «Նոր Ադրբեջան» կուսակցության Բինագադի շրջանային կազմակերպության նախագահ Ռամիզ Գեյուշովը հեռացվել է կուսակցությունից: Հայտնի պարթոկրատի սկանդալային հրաժարականի պատճառը համացանցում տարածված ինտիմ տեսագրություններն էին:

67-ամյա Ռամիզ Գեյուշովը հեռախոսով կապ է հաստատել մերկ աղջկա հետ և ձեռնաշարժություն կատարել: Թե ինչպես են մտերմիկ տեսագրությունները հայտնվել համացանցում, անհայտ է:

Միաժամանակ, տեղական ԶԼՄ -ները գրում են, որ սոցիալական ցանցերում գործում է խաբեբաների խումբ, որոնք մեսենջերների տեսազանգի միջոցով կապ են հաստատում տարբեր ադրբեջանցի տղամարդկանց հետ: Մնում է միայն պատասխանել տեսազանգին, և հայտնվում է  մերկ աղջկա լուսանկար, որը հրավիրում է  իր հետ վիրտուալ սեքսով զբաղվելու: Իրականում կանչող աղջիկը ոչ թե կենդանի մարդ է, այլ հատուկ ծրագիր, որը ցուցադրում է մերկ կանացի մարմին:

Ադրբեջանցի փորձագետների կարծիքով, Ադրբեջանում այս խարդախության զոհերը շատ են: Նույնիսկ Նախիջևանի կրոնական առաջնորդներից մեկն է ընկել նրանց թակարդը:

«Ոչ վաղ անցյալում, Նախիջևանում կրոնական գործիչը ընկավ այդ ստահակների ցանցը: Այժմ նա ամոթից չի կարողանում տնից դուրս գալ, առավել եւս մզկիթ այցելել», - ասել է աղբյուրը «haqqin.az»-ին:

Ինչպես հաղորդում է Azeri Daily-ն, խարդախության ցանցն է ընկել նաեւ Ադրբեջանի խոշորագույն բանկի` Թովուզի մասնաճյուղի ղեկավարը:

Խաբեբաների զոհերը սխալմամբ կարծում են, որ այն, ինչ տեղի է ունենում իրենց և ռոբոտ աղջկա միջև, մնում է գաղտնի: Իրականում հատուկ ծրագիրն արձանագրում է յուրաքանչյուր գործողություն: Խարդախները որպես զոհ ընտրում են հայտնի և հարուստ մարդկանց, այնուհետև շանտաժի ենթարկում նրանց ինտիմ կադրերով:

Սոցիալական ցանցում տարածվում են աղջիկների կեղծ պրոֆիլներ, որոնց միջոցով տեսազանգեր են կատարվում: Խարդախության ցանցի կազմակերպիչը թուրքական ծագում ունի: Ինտիմ տեսազանգերը, դատելով սոցիալական ցանցերում առկա բողոքներից, նույնպես գալիս են «թուրք կանանցից»:

Հատկանշական է, որ մի քանի շաբաթ առաջ Ադրբեջանի նախագահի քաղաքական հարցերով նախկին օգնական Ալի Հասանովը հայտարարել էր, որ իրեն ենթարկել են շանտաժի: Նախկին պաշտոնյան պնդում էր, որ իրեն շանտաժի են ենթարկում զուգարանում գաղտնի նկարահանված կադրերով: Հնարավոր է, որ նա նույնպես դարձել է խաբեբաների այս ցանցի զոհը: