10 տարի կենսաթոշակ էր ստացել ԽՍՀՄ անձնագրով
Իրավունք
Այսօր ԽՍՀՄ անձնագիրը ձեռքին Պաշտպանի գրասենյակ էր եկել Աիդա Բեգլարյանը:
1992 թ.-ից նրան նշանակվել էր տարիքային աշխատանքային կենսաթոշակ ԽՍՀՄ անձնագրով, սակայն 2005թ. հունվարին Կենսաթոշակի վճարումը դադարեցվել էր սոցիալական քարտ և անձնագիր չունենալու պատճառով: Նույն թվականի մարտ ամսին աշխատանքի և սոցիալական հարցերի նախարարի հրամանով կենսաթոշակառուին տրամադրվել էր սոցիալական քարտ, որից հետո կենսաթոշակի վճարումը վերսկսվել էր:
2012թ. սեպտեմբեր ամսին, երբ տիկին Բեգլարյանը հերթական անգամ գնացել էր փոստային բաժանմունք կենսաթոշակ ստանալու, նրան թոշակ չէին տվել, քանի որ անձը հաստատող փաստաթուղթ չի ունեցել (նրա անձը հաստատող փաստաթուղթը անվավեր ԽՍՀՄ անձնագիրն է):
Աիդա Բեգլարյանը Պաշտպանին ուղղված իր դիմումով խնդրում է լուծել սեպտեմբեր ամսվա, ինչպես նաև հետագա ամիսներին առանց խոչընդոտների իր կենսաթոշակը ստանալու խնդիրը:
Հավելենք նաև, որ Աիդա Բեգլարյանն ունի մի շարք այլ խնդիրներ, որոնց Պաշտպանը կանդրադառնա իր իրավասության սահմաններում:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
