Նիկոլ Փաշինյանի «բացահայտումը» (տեսանյութ)
ՏեսանյութերԱյսօր ժողովրդավարությունը Հայաստանի թիվ մեկ միջազգային բրենդն է, և մենք այդ բրենդը պահպանելու ենք, բայց դա չի նշնակում, որ չկան գծեր, որոնց դեպքում ժողովրդավարությունը գործում է իր օրինական, իրավական, ինստիտուցիոնալ մեխանիզմներով՝ իր ամբողջ խստությամբ, խորհրդարանում հայտարարեց վարչապետ Նիկոլ Փաշինյանը՝ անդրադառնալով ընդդիմության գործողություններին։
Նիկոլ Փաշինյանն ընդդիմությանը մեղադրեց 2018 թվականին իրենց քայլերը կրկնելու մեջ։
«Ընդդիմության մեր գործընկերները մեզ ծաղրում էին քայլելու համար։ Իրենք պտույտներից հետո որոշեցին քայլել։ Մեզ ծաղրում էին ուսապարկ կրելու համար։ Քաղաքի խանութներում ուսապարկ, ցավոք, մնացել է, որովհետև ընդդիմության շարքերն այդքան հոծ չեն, որ սպառեն քաղաքի բոլոր ուսապարկերը», - ասաց նա։
Փաշինյանի խոսքով՝ ընդդիմությունը կամ պետք է հայտարարի, որ հեղաշրջում է ցանկանում անել, կամ դադարի իրենց մեղադրել հեղաշրջմամբ իշխանության հասնելու մեջ։
«Մեզ ասում էին, որ մենք հեղաշրջմամբ ենք եկել իշխանության, հիմա նույն քայլերը մեզ կրկնում են։ Հիմա իրենք կամ պետք է ասեն, որ ուզում են հեղաշրջում անեն, կամ պիտի խոստովանեն, որ մենք հեղաշրջում չենք արել, ժողովրդավարական պրոցեսով ենք եկել իշխանության», - ասաց նա։
Ավելի վաղ Փաշինյանը, դիմելով ԱԺ դահլիճը լքող ընդդիմադիր պատգամավորներին, հայտարարել էր. «Հենց ասեցի, որ բացահայտում է հնչելու, թողեցին փախան»:
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
