Ոստիկանական հսկա ուժեր են կենտրոնացել մեր ուղղության վրա, բայց դա կապ չունի, մեր պայքարն արդար է

«Քիչ առաջ ոստիկաննները անհամաչափ ուժ կիրառեցին ու մեր ընկերներին, մոտ 20 հոգու շատ կոպիտ ու լկտի ձևով բերման ենթարկեցին՝տանելով բաժիններ. սրանց վախին սահման չկա, 50-100 մետր քայլում ես արդեն վախենում են». Այս մասին այսօր՝ մայիսի 5-ին,  Հաղթանակ կամրջի մոտ բողոքի ակցիայի ժամանակ ասաց ՀՀ 2-րդ նախագահ Ռոբերտ Քոչարյանի որդին՝ Լևոն Քոչարյանը, որը դիմադրության շարժման ակտիվ մասնակիցներից է:

Նշենք, որ քաղաքացիները խաղաղ երթ էին իրականացնում, նրանց ուղեկցում էին ոստիկանական ուժերը, սակայն տեղ հասած բերետավորները սկսեցին բերման ենթարկել նրանց։