Մադոննան թողարկել է անկեղծ NFT, որում ծառ է ծնում (տեսանյութ)
ՏեսանյութերԵրգչուհի Մադոննան վաճառքի է հանել երեք կոնցեպտուալ NFT-հոլովակներ («Բնության մայրը», «Էվոլյուցիայի մայրը» և «Տեխնոլոգիայի մայրը»), որոնք նվիրված են մայրության և ստեղծագործական թեմային։ Այդ մասին նա հայտնել է Instagram-ում:
«Ես ուզում էի բացահայտել ստեղծագործության գաղափարը ոչ միայն կնոջ արգանդից երեխայի ծնվելու, այլև նկարչի կողմից արվեստի գործ ստեղծելու միջոցով», - բացատրել է նա:
Անիմացիոն նախագծի դիզայնի վրա փոփ աստղն աշխատել է թվային նկարիչ Մայք Ուինքելմանի հետ, որը հայտնի է Բիփլ կեղծանունով։
Առաջին հոլովակում երգչուհին մերկ է հայտնվում բնության ու ապակուց ու մետաղից պատրաստված կառույցների ֆոնին, իսկ հետո սկսում է ծառ ծնել։ Երկրորդ տեսանյութում Մադոննան թիթեռներ է ծնում հետապոկալիպտիկ միջավայրում՝ հին մեքենաների աղբանոցի ֆոնին։ Երրորդ հոլովակը, որտեղ արտիստի մարմնից դուրս են գալիս բազմաթիվ բիոմեխանիկական հարյուրոտանիներ, ներկայացնում է ապագայի գիտության և տեխնիկայի կենարար ուժի հույսը:
Հոլովակները կխաղարկվեն SuperRare շուկայում Mother of Creation NFT-ի հատուկ աճուրդում, որը կգործի մայիսի 11-ից 13-ը: Վաճառքից ստացված հասույթը կտրամադրվի ոչ առևտրային կազմակերպություններին, որոնք օգնում են մայրերին և երեխաներին ամբողջ աշխարհում: