Վերահսկիչ պալատը խախտո՞ւմ է օրենքը
Իրավունք
Սեպտեմբերի 13-ից Վերահսկիչ պալատը Երևանի քաղաքապետարանում ստուգումներ է սկսել. դրանք կշարունակվեն մինչև հոկտեմբերի 17-ը։ Վերահսկիչ պալատը իրականացնում է պետբյուջեյի կատարողականի ստուգում ինչպես ամբողջ քաղաքապետարանում, այնպես էլ նրա առանձին վարչություններում: Սակայն պարզվում է, որ Քաղաքապետարանի Հանրակրթության վարչության պետը հանդիսանում է Վերահսկիչ պալատի նախագահ Իշխան Զաքարյանի կինը՝ Գայանե Սողոմոնյանը:
Տեղեկացնենք, որ «Հանրային ծառայության մասին» ՀՀ օրենքի 5-րդ հոդվածի 16 կետի համաձայն ամուսինները համարվում են փոխկապակցված անձինք: Նույն հոդվածի 17-րդ կետով սահմանվում է, որ շահերի բախում է կոչվում այն իրավիճակը, երբ բարձրաստիճան պաշտոնատար անձն իր լիազորություններն իրականացնելիս պետք է կատարի գործողություն կամ ընդունի որոշում, որը ողջամտորեն կարող է մեկնաբանվել որպես իր կամ իր հետ փոխկապակցված անձի անձնական շահերով առաջնորդվել: Այս պարագայում առաջանում է շահերի բախում, որը կարող է ազդել Վերահսկիչ պալատի անկողմնակալության վրա, ինչն էլ, բնականաբար, կասկածի տակ է դնում կատարվող ստուգումների ու տրվելիք եզրակացությունների արժանահավատությունն ու ճշմարտացիությունը:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
