Պահանջել են մուծել 50 000 դրամ չօգտագործված ջրի համար

Շիրակ-ջրմուղկոյուղի» ՓԲԸ-ի աշխատակիցները Բաբկեն Մնացականյանից պահանջել են չօգտագործված ջրի համար ջրի վարձ մուծել 50 000 դրամի չափով, Պաշտպանին ուղղված իր դիմումում նշել է Մնացականյանը:

Պաշտպանի կողմից Մնացականյանի խնդրի կապակցությամբ գրություն է ուղարկվել Ջրային տնտեսության պետական կոմիտե՝ առաջարկելով խնդրին լուծում տալ:

Ջրային տնտեսության պետական կոմիտեն, ի պատասխան Պաշտպանի գրությանը, հայտնել է, որ դիմում նշված գումարի ճշգրտման արդյունքում Բաբկեն Մնացականյանի պարտքը կազմել է 28 400 դրամ: Միաժամանակ տեղեկացրել է, որ քաղաքացու և «Շիրակ-ջրմուղկոյուղի» ՓԲԸ-ի միջև ձեռք է բերվել համաձայնություն և կազմվել է պարտքի մարման ժամանակացույց:

Բաբկեն Մնացականյանը շնորհակալություն է հայտնել Պաշտպանին իր խնդրի լուծման ուղղությամբ ձեռնարկված քայլերի կապակցությամբ:

Դիմումատուի անուն-ազգանունը փոխված է: