Փհենյանը սպառնում է կործանել Հարավային Կորեան՝ երկրում COVID-19 տարածելու փորձի համար

Փհենյանը կորոնավիրուսը Հյուսիսային Կորեայի տարածքում տարածելու փորձի համար սպառնացել է ոչնչացնել Հարավային Կորեայի իշխանություններին։ Այս մասին օգոստոսի 11-ին ասված է Հյուսիսային Կորեայի առաջնորդի կրտսեր քրոջ՝ Կիմ Յե Չժոնի հայտարարության մեջ, որը Կորեայի Աշխատավորական կուսակցության կենտրոնական կոմիտեի քարոզչության բաժնի ղեկավարի տեղակալն է, գրում է KCNA լրատվական գործակալությունը։

«Եթե թշնամին շարունակի այնպիսի վտանգավոր գործողությունների դիմել, ինչպիսին է վիրուսի ներթափանցումը մեր երկիր, մենք դրան կպատասխանենք ոչ միայն վիրուսը, այլև Հարավային Կորեայի իշխանություններին  ոչնչացնելով», - ասվում է Կիմ Յե Չժոնի հայտարարության մեջ: 

Նա նաև պարզաբանել է, որ ԿԺԴՀ իշխանությունները մտահոգված են, որ Հարավային Կորեայի հետ սահմանին գտնվող Հյուսիսային Կորեայի շրջաններից մեկում սկսել են զանգվածաբար հայտնաբերել COVID-19 վարակի դեպքեր։

Միևնույն ժամանակ, ԿԺԴՀ ղեկավարի կրտսեր քույրը նշել է, որ այն, որ SARS-CoV-2-ով վարակված մեկ անձ կամ առարկա կարող է շատ արագ վարակել շատ այլ մարդկանց և լուրջ ճգնաժամ առաջացնել, անվիճելի փաստ է։ «Ելնելով դրանից՝ մենք եզրակացնում ենք, որ այլևս չենք կարող անտեսել Հարավային Կորեայից աղբի շարունակական հոսքը։ Սա ուղղակի հակաէթիկական հանցագործություն է։ Կարևորն այն է, որ հարավկորեացիները շարունակում են թռուցիկներ և կեղտոտ առարկաներ գցել մեր տարածքում»,- ասել է Կիմ Յե Չժոնը։