90-ամյա ճապոնացի բոդիբիլդերը մրցել է իրենից տասնամյակներով երիտասարդ մարզիկների հետ
Սպորտ
90-ամյա ճապոնացի բոդիբիլդեր Տոշիսուկե Կանազավան Իսպանիայում մասնակցել է բոդիբիլդինգի միջազգային մրցույթի՝ մրցելով իրենից տասնամյակներով երիտասարդ մարզիկների հետ։
Թեև նա մրցանակային տեղ չի զբաղեցրել, մարզիկը չի պատրաստվում հրաժարվել սպորտից։ Կանազավան մտադիր է 93 տարեկանում կրկին դուրս գալ մրցահարթակ՝ ցույց տալով, որ տարիքը խոչընդոտ չէ մարզվելու և ակտիվ կյանք վարելու համար։
Կանազավայի խոսքով՝ իր մարզավիճակը պահպանելու գաղտնիքը տասնամյակներ շարունակ հետևած ճապոնական սննդակարգն է, որի մեջ ներառված են շագանակագույն բրինձը, նատտոն և միսո ապուրը։
«Ես ցանկանում եմ ամբողջ կյանքում զբաղվել բոդիբիլդինգով։ Երբ որևէ բան անելու որոշում ես կայացնում, պետք է վճռական լինես այն մինչև վերջ հասցնելու հարցում», - ասել է 90-ամյա մարզիկը։
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
