ՆԱՏՕ-ի երկրները խնդրել են ԱՄՆ-ին արագացնել իրենց զենքի մատակարարումը․ Washington Post
Համաշխարհային Մամուլ
ԱՄՆ-ի՝ ՆԱՏՕ-ով կապված դաշնակիցները Վաշինգտոնից պահանջում են մեծացնել զորքերի քանակը և զենքի լրացուցիչ մատակարարումները Ռուսաստանին զսպելու համար, գրում է The Washington Post-ը։
Հաղորդվում է, որ Ռուսաստանին մոտ գտնվող երկրներն ասում են, որ իրենք «հուսահատորեն կարիք ունեն» արևմտյան ռազմական օգնության մեծ մատակարարումների, քանի որ վախենում են, որ Ուկրաինայում ռազմական գործողությունները կհասնեն իրենց սահմաններին:
Վերջին մի քանի ամիսների ընթացքում Եվրոպայում ամերիկյան զորքերի թիվն ավելացել է 20 000-ով՝ հասնելով մոտ 100 000 ամերիկացի զինվորականի, սակայն Լատվիայի նման երկրներն ասում են, որ դա բավարար չէ:
Բալթյան և Արևելյան Եվրոպայի երկրները նաև Վաշինգտոնին խնդրում են մեծացնել պաշտպանական արտադրությունը՝ «Ռուսաստանին զսպելու նպատակով» անհրաժեշտ զենքի արտադրության գործընթացն արագացնելու համար։ Այսպես, Էստոնիայի պաշտպանության նախարարության գլխավոր քարտուղար Կուստի Սալմն ասել է, որ իր երկրին, մասնավորապես, անհրաժեշտ են HIMARS հակահրթիռային պաշտպանության համակարգեր, Reaper անօդաչու սարքեր, որոնք կարող են դիտարկել և կատարել «ճշգրիտ հարվածներ», և ռադիոտեղորոշիչ համակարգեր։
Իր հերթին, լեհ պաշտոնյաները հայտարարել են, որ հանրապետության պաշտպանությանը կօգնի, եթե ԱՄՆ-ն արագացնի Վարշավային խոստացված զենքի մատակարարումը, մասնավորապես՝ Patriot հրթիռների մարտկոցներ, HIMARS, F-16 կործանիչներ և Abrams մարտական տանկեր, ասվում է հոդվածում։
Ըստ Պենտագոնի աղբյուրի՝ Լատվիայի կառավարությունն ասել է, որ ավելի հարմարավետ կզգա, եթե ստանա ժամանակակից հեռահար հրթիռային հրետանի և օդային և առափնյա պաշտպանության համակարգեր, որոնք սովորաբար հասանելի չեն համեստ բյուջե ունեցող երկրներին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
