Թուրքիան և Ադրբեջանը սեպտեմբերի 5-ից զորավարժություններ կանցկացնեն

Թուրքիայի ռազմաօդային ուժերի թռիչքային և տեխնիկական անձնակազմի խումբը ժամանել է Ադրբեջան՝ մասնակցելու «TurAz Qartalı-2022» համատեղ մարտավարական-թռիչքային վարժանքներին, հայտնում է Ադրբեջանի պաշտպանության նախարարությունը։

Զորավարժություններին նախապատրաստվելու նպատակով ձեռնարկվում են համապատասխան միջոցառումներ՝ կապված անձնակազմի տեղակայման, վարժանքների պլանավորման և կազմակերպչական այլ հարցերի հետ։

Նշվում է, որ համատեղ զորավարժությունները կսկսվեն սեպտեմբերի 5-ին։