Չինաստանում կարող է COVID-19-ի նոր շտամ ի հայտ գալ

Գենոմային ինժեներական լաբորատորիայի ղեկավար Պավել Վոլչկովն ասել է, որ COVID-19-ի նոր շտամ կարող ի հայտ գալ Չինաստանում այն ​​բանից հետո, երբ երկրում թեթևացվեն կորոնավիրուսային սահմանափակումները։ Այս մասին գիտնականը խոսել է «Известия»-ին տված հարցազրույցում։

«Իմ կարծիքով, ներկայիս պայմաններում քիչ հավանական է կորոնավիրուսի նոր շտամի ի հայտ գալը, որը կփոխարինի Omicron-ին։ Այնուամենայնիվ, մենք ունենք Չինաստան, որտեղ մեկուկես միլիարդ մարդ իրականում չի հիվանդացել Covid-ով։ Սա հսկայական ռեսուրսային բազա է կորոնավիրուսի համար, որի շնորհիվ հնարավոր է՝ այն զարգանա»,- ասել է Վոլչկովը։

Նրա կարծիքով, «omicron»-ի կամ «delta»-ի տարածումը չինացիների շրջանում, ովքեր չեն հիվանդացել Covid-ով, կարող է հրահրել շտամների էվոլյուցիան։ Միևնույն ժամանակ, «omicron»-ի նոր ձևը, ամենայն հավանականությամբ, չի դառնա բարձր ախտածին, քանի որ շտամը խիստ վարակիչ է: