ԱԺ նիստին չենք մասնակցելու. Հնարավոր է ներկայացնենք ԱԺ հայտարարության այլընտրանքային տեքստ. Սաղաթելյան
ՔաղաքականՀայաստանի խորհրդարանական ընդդիմությունը իր հետագա քայլերը կորոշի՝ կախված նրանից, թե ինչպես կարձագանքեն իշխանությունները Ադրբեջանի հարձակման առնչությամբ ԱԺ հայտարարության նախագծի վերաբերյալ իրենց առաջարկներին:
ԱԺ-ում լրագրողների հետ զրույցում այս մասին ասաց ՀՀ ԱԺ «Հայաստան» խմբակցության պատգամավոր Իշխան Սաղաթելյանը:
ԱԺ նախագահը ներկայացրել է հայտարարության տեքստը ադրբեջանական հարձակման վերաբերյալ: Ըստ «Հայաստան» խմբակցության՝ այդ տեքստն ամբողջական չէ, չի արտացոլում իրավիճակն ամբողջապես:
«Անհրաժեշտ են որոշակի կետեր, որոնք պարտադիր կերպով պետք է ներառվեն, որպեսզի հայտարարությունը լինի ամբողջական: Հենց հիմա աշխատում ենք տեքստի վրա»,- ասաց նա:
Նա նաև հայտնեց, որ ԱԺ-ում չեն մասնակցելու հարցուպատասխանին, որը նախատեսվում է վարչապետի հետ:
«Մենք կներկայացնենք մեր առաջարկությունները՝ հստակ ձևակերպված, կլսենք իրենց դիրքորոշումը, դրանից հետո կորոշենք մեր հետագա քայլերը»,-ասաց Սաղաթելյանը:
Ըստ նրա՝ ընդդիմությունն ունի այլընտրանքային տեքստ, սակայն ԱԺ կանոնակարգ օրենքը թույլ չի տալիս այն առաջարկելու, այսպիսով առաջարկում են այդ տեքստի կարևոր կետեր ներառել հայտարարության մեջ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
