Տյումենում դատապարտվել է Ադրբեջանի քաղաքացին, ով փորձել էր վաճառել 13–ամյա աղջկան

Ադրբեջանի քաղաքացի 25-ամյա Էմիլ Մամեդովին ՌԴ Տյումենի դատարանն ազատազրկման է դատապարտել, ով մեղադրվում է կավատության և 13-ամյա աղջկան վաճառելու փորձի մեջ։ Այս մասին դեկտեմբերի 19-ին «Regnum»–ի թղթակցին հայտնել են Տյումենի մարզի դատախազության լրատվական ծառայությունից։

Հետաքննությունը հաստատել է, որ այս տարվա մարտի 24–ին Տյումենում գտնվող սրճարաններից մեկում Մամեդովը ծանոթացել է մի 13–ամյա աղջկա հետ, ով ցանկացել է աշխատել որպես մատուցողուհի։ Վերջինս աղջկան աշխատանքի տեղավորման պատրվակով ստիպել է զբաղվել մարմնավաճառությամբ։ Մարտի 26-ից մինչեւ մարտի 30–ը 13–ամյա աղջիկը գումար վաստակելու համար մարմնավաճառությամբ է զբաղվել։ Ապրիլի սկզբին, երբ Մամեդովը տեղեկացել է, որ անչափահաս աղջկան փնտրում են հարազատները, փորձել է 13–ամյա աղջկան վաճառել 10 հազ. ռուբլիի դիմաց։ Այդ մասին տեղեկացել են իրավապահ մարմինները։ 

Դատարանը Մամեդովին դատապարտեց 6 տարի եւ 6 ամիս ժամկետով ազատազրկման։