Daily Telegraph. Նացիստները ծառայում էին Ֆիդել Կաստրոյի ռեժիմին

Daily Telegraph-ը գրում է, որ համաձայն Գերմանիայի դաշնային հետախուզական ծառայության գաղտանզերված արխիվների տվյալների՝ 1962թ. Կարիբյան ճգնաժամի թեժ շրջանում Ֆիդել Կաստրոն կուբացի զինծառայողներին մարզելու նպատակով հրավիրել էր գերմանացիների, որոնք երկրորդ համաշխարհային պատերազմի տարիներին ծառայում էին գերմանական Պաշտպանական ջոկատում (S.S):

Կուբացի առաջնորդը փորձում էր նաև ծայրահեղ աջակողմյան գերմանական խմբավորումների միջոցով սև շուկայից զենք ձեռք բերել՝ դրանով ցույց տալով իր պատրաստակամությունը համագործակցել անգամ իր գաղափարական հակառակորդների հետ՝ արգելելու համար ամերիկյան ներխուժումը Կուբայի տարածք:

Հետախուզության գաղտնազերծված փաստաթղթերից պարզ է դառնում, որ Կաստրոն անձամբ է հաստատել գերմանացի նացիստ սպաներին Կուբա հրավիրելու պլանը:

Պարբերականը նշում է, որ Հավանան առաջարկել է նախկին ջոկատայիններին միջին ամերիկյան աշխատավարձից քառապատիկ բարձր աշխատավարձ:

Թերթը նշում է, որ գերմանական հետախուզության աշխատակիցներն այն ժամանակ եկան այն եզրակացության, որ Կուբայի վարչակարգը փորձում է զենքի մատակարարման և անձնակազմի վերապատրաստման հարցում ազատվել ԽՍՀՄ-ից ունեցած իր կախյալ վիճակից: