Salon. Բանտարկյալների թվով ԱՄՆ-ն առաջատարն է

ԱՄՆ այս օրվա դրությամբ ամեն 100.000 քաղաքացու միջից բանտարկում է մոտ 730 հոգու. սա մի պետություն է, որն ունի ամենաշատ բանտարկված բնակչությունն աշխարհում՝ համաձայն Արդարադատության նախարարության տվյալների, գրում է Salon ամսագիրը:

Հերթական անգամ ԱՄՆ գերազանցել է ցանկացած պետություն բանտարկյալների և բանտերի թվով: Ներկայիս դրությամբ կան շուրջ 2.2 մլն մարդիկ, ովքեր գտնվում են ճաղերից այնկողմ, «մի ցուցանիշ, որն հավասար է Հյուսթոնի չափի քաղաքին»,-նկատում է Bloomberg News-ը:

ԱՄՆ-ում գործում են 4575 քրեակատարողական հիմնարկներ. այս ցուցանիշը գրեթե 4 անգամ գերազանցում է երկրորդ տեղում գտնվող Ռուսաստանի ցուցանիշը՝ 1029:

«California Prison Focus» կազմակերպության համաձայն՝ մարդկության պատմության մեջ ոչ մի այլ հասարակություն չի բանտարկել այդքան մեծ թվով իր իսկ քաղաքացիների, ինչպիսին ԱՄՆ է»:

Ձեզ ենք ներկայացնում Bloomberg-ի օրվա աղյուսակը, որը վառ կերպով արտացոլում է ԱՄՆ-ի ցուցանիշները այլ պետությունների հետ համեմատած («International Centre for Prison Studies»-ի համաձայն)