Der Spiegel. Քադաֆիի կողմնակիցների արյունալի վրեժը

Համաշխարհային Մամուլ 17 Հոկտեմբեր, 2012 10:51

Լիբիայի ոստիկանությունը սառնարյուն կերպով դաժան հաշվեհարդար է տեսել Քադաֆիի տասնյակ հետևորդների հետ նրանց ձերբակալությունից հետո. հաղորդում է պարբերականը: Դա հակասում է մարդու իրավունքների պաշտպանության միջազգային կազմակերպության սկզբունքներին (Human Rights Watch): Տրիպոլիի կառավարությունը ոչինչ չի ձեռնարկել մարդասպաններին պատասխանատվության կոչ անելու համար` քննադատում է մարդու իրավունքների պաշտպանության միջազգային կազմակերպությունը:
Ողջ աշխարհում պտտվում էին արյունալի տեսարաններով նկարներն ու հոլովակները: Բջջային հեռախոսով նկարահանված տեսահոլովակը ցույց էր տալիս մի վիրավոր մարդու, որը հազիվ է ոտքերի վրա կանգնում, և որին հարվածում են ու թքում նրա վրա: Այդ մարդը Մուամար Քադաֆին է, որը 42 տարի բռնապետի կարգավիճակով ղեկավարում էր Լիբիան. գրում է թերթը:

Չնայած այս հոլովակների առկայությանը՝ Քադաֆիի մահվանից մեկ տարի անց նրա մահվան հանգամանքները դեռևս պատված են անհայտության քողով:

HRW-ը այժմ իր զեկույցում 2011թ. հոկտեմբերի 20-ին Քադաֆիի սպանության դեպքերն է ուսումնասիրում: Դրանում HRW-ը ապստամբների դեմ լուրջ մեղադրանքներ է ներկայացնում՝ նշելով, որ նրանք ձերբակալել են Քադաֆիի կողմնակիցներին և սառնարյուն կերպով սպանել նրանց: Մարդու իրավունքների պաշտպանները հրապարակել են այս հոլովակները, որոնցում երևում է, թե ինչպես են հալածում դեռևս կենդանի ձերբակալված մարդկանց: Իսկ մի քանի օր անց միջազգային կազմակերպության աշխատակիցները նրանց գտել են սպանված վիճակում Մահարի հյուրանոցում: Իրավապաշտպանները կարողացել են անվանապես ճանաչել մահացածներից 5-ին:
Ընդհանուր առմամբ, ապստամբները 66 ձերբակալվածներից սպանել են 53 տղամարդու: Հետաքննողները դեպքի վայրում հայտնաբերել են քայքայվող դիակներ, արյան լճակներ և քաղաքի պատերին թողած գրություններ: Մարդու իրավունքների պաշտպանության միջազգային կազմակերպությունը իր զեկույցում գրում է, որ «այս սպանությունները Քադաֆիի ընդդիմադիրների կողմից իրականացված ամենածանր մասսայական սպանդի արձահանագրված դեպքն է եղել: Բանտարկյալների սպանությունը ռազմական հանցագործություն է»:
Լիբիական իշխանությունները, չնայած իր խոստումներին, մինչև այժմ չի ձեռնարկել ոչ մի լուրջ միջոցառում վրիժառուներին պատասխանատվության ենթարկելու համար. քննադատում է HRW-ը: