The Independent. Կարաջիչ. Ես հանցագործ չեմ

Ռադովան Կարաջիչը երեկ սկսել է Հաագայի նախկին Հարավսլավիայի միջազգային քրեական ռազմական դատարանում իր պաշտպանությունը:
«Ես բժիշկ եմ, հոգեբան, հոգեթերապեվտ, վերլուծաբան և գրող»,-ասել է նա դատարանում: Դատավարության ընթացքում նա հանգիստ և պատրաստված էր թվում: «Քաղաքացիական պատերազմի իրադարձությունների համար ինձ մեղադրվելու փոխարեն ես պետք է պարգևատրվեի, քանի որ ես արել եմ հնարավոր ամեն ինչ՝ պատերազմից խուսափելու համար: Ինձ հաջողվել է նվազեցնել քաղաքացիների տառապանքները,-հայտարարել է նա:-Ես բազմիցս միակողմանի հրադադար եմ հայտարարել: Ես հաճախ կանգնեցրել եմ բանակին, երբ այն գրեթե մոտենում էր հաղթանակին: Ես անձամբ եմ վերահսկել մարդասիրական օգնության մատակարարումները»:

Կարաջիչը, ով հայտնի է «Բոսնիայի հրեշ» անունով, բոսնիական երեք առաջնորդներից մեկն է, ով պատասխանատվության Է ենթարկվում Հաագայում:

Հիշեցնենք, որ Կարաջիչին տասը մեղադրանք է ներկայացվում, այդ թվում՝ ցեղասպանություն և մարդկության դեմ հանցագործություններ: