The Guardian. Չինական քաղաքականության մեջ կանայք բավարար չեն
Համաշխարհային Մամուլ
Guardian-ը գրում է, որ չինացի քաղաքական գործիչների շարքում քիչ կանայք կան: Ազգային ներկայացուցիչների համազագային ժողովը սև կոստյումներով տղամարդկանց հավաք է հիշեցնում:
Պատգամավորների միայն 20%-ն են կանայք, քաղբյուրոյի անդամներից` միայն 6%-ը:
Ըստ պարբերականի՝ դրա պատճառները շատ կարող են լինել: Ինչպես այլ երկրներում, շատ կանայք ուղղակի չեն դնում իրենց թեկնածությունը, քանի որ նրանք ավելի քիչ կապեր ունեն, քան տղամարդիկ: Սակայն կան նաև այս իրավիճակի զուտ չինական պատճառներ:
Պետության կառավարությունը մեծ կասկածանքով է մոտենում քաղաքացիական հասարակության անդամներին, ինչը գոյություն ունեցող համակարգից դուրս գտնվողների համար դժվարացնում է մասնակցությունը քաղաքականության մեջ:
Աշխատանքային առաջընթացի կանոնները ևս հստակ չեն, իսկ այդ պայմաններում ծաղկում է խտրականությունը:
Լավատեսները հույսով են, որ Չինաստանի կանանց երիտասարդ, ավելի կրթված սերունդն ավելի մեծ հաջողությունների կհասնի:
Վերջին շրջանում Պեկինը սկսել է ուշադրություն դարձնել այդ խնդրին: Միջին մակարդակի որոշ պաշտոնյաներ պետք է գենդերային հավասարության մասին հատուկ դասընթացներ անցնեն:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
