Հայկական պետականության կործանման գործընթացները մոտենում են իրենց կուլմինացիային․ սա կանգնեցնել է պետք․ Հակոբ Հակոբյան

Ըստ երևույթին, բրիտանա-ամերիկյան ուժերը, «Թավշյա հեղափոխություն - 2018» հատուկ օպերացիայի շրջանակներում դեռ չեն գնում Հայաստանը ուժով նվաճելու ճանապարհով և հույս ունեն, որ Նիկոլ Փաշինյանը կհամաձայնվի Իրանի դեմ ապագա զինված պայքարում թիկունքի բազա դառնալ։ Ֆեյսբուքյան գրառմամբ նման դիտարկում է արել Արցախի «Արդարություն» կուսակցության համանախագահ Հակոբ Հակոբյանը։

«Այդ ուժերը դեռևս կփորձեն որոշ ժամանակ խոսել Փաշինյանի հետ Արցախն ու Սյունիքի միջանցքը Ադրբեջանին «հանգիստ» փոխանցելու մասին այնպիսի միջնորդների միջոցով, ինչպիսիք են Եգիպտոսի առաջնորդ Ալ-Սիսին, Եվրամիության դիտորդները կամ հավաքական Արևմուտքի կողմից նշանակված այլ միջնորդներ։ Մեզ համար շատ վտանգավոր է, որ Իրանը, որը հիանալի հասկանում է այս ամենը, ըստ երևույթին իր բարեկամների ցանկից դուրս է գրել Փաշինյանի Հայաստանը և այլևս հույսը չի դնում նրա վրա։ Էլ ավելի վտանգավոր է, որ տարածաշրջանում բոլորը ակտիվորեն զինվում են և պատրաստվում պատերազմի, իսկ Նիկոլ Փաշինյանը Ադրբեջանից տենդագին խաղաղություն է մուրում։ Բայց ժամանակը գնում է և հայկական պետականության կործանման գործընթացները մոտենում են իրենց կուլմինացիային: Սա կանգնեցնել է պետք: Իսկ սա հնարավոր է կանգնեցնել միայն Փաշինյանի հեռացմամբ:

Իսկ Փաշինյանին հեռացնելու համար անհրաժեշտ է, որ Հայաստանի ազգային ուժերը կամք դրսևորեն և համախմբվեն: Իսկ համախմբում կարող է լինել Արցախի շուրջ: Արցախում պայքար կա, Արցախում պայքարի կրակ կա, չպետք է թողնել այդ կրակը մարի»,-գրել է նա:

Այս թեմայով «Միլթոն» արևադարձային փոթորիկը մոտենում է Ֆլորիդային և սպառնում վերածվել հզոր փոթորկի Փաշինյանն իրեն նշանակել է, ճիշտ է արել, հիմա էլ հասկացել է... հասկացել ենք` նշանակումը սխալ էր. «Հրապարակ» Մեկնարկեց Հայկական ակնաբուժության նախագծի և Լոս Անջելեսի մանկական հիվանդանոցի 22-րդ միջազգային ակնաբուժական համաժողովը Նիկոլ Փաշինյանը դեռ չի՞ հրավիրվել հարցաքննության՝ «սիրու՞մ ես հայրենիքդ, հզորացրու պետությունդ» կարգախոսի ներքո». Բադալյան Ճակատենցիները ինձ ասել են՝ ուզում են իրենց հետ տեղի ունենա նույնը, ինչ եղել է Կիրանցի ժողովրդի հետ. Նազարյան (տեսանյութ)