Վիրավորված կինը որոշել է վրեժ լուծել իր սիրեցյալից և սխալմամբ այրել է ուրիշի տունը

Բրիտանական Գրիմսբի քաղաքի վիրավորված բնակչուհին որոշել է վրեժ լուծել իր սիրեցյալից, ով դավաճանել էր իրեն և սխալմամբ այրել է ուրիշի տունը, որտեղ ապրում էր տարեց հաշմանդամ տղամարդ, հաղորդում է Grimsby Live-ը։

57-ամյա Ջենի Էն Պեկիթը ցանկացել է վրեժխնդիր լինել տղամարդուց, ում հանդիպել էր ընդամենը երկու անգամ։ Կինը որոշել էր, որ իրենք հարաբերությունների մեջ են, և նա դավաճանել է իրեն։ Նա այրվող նյութով թաթախված լաթը մտցրել է այն տան փոստարկղը, որտեղ, իր կարծիքով, ապրում էր տղամարդը։ Պարզվել է, որ բրիտանուհին սխալ է թույլ տվել հասցեի հարցում և հրկիզել է տարեց հաշմանդամ տղամարդու տունը։ Տան բնակչին հաջողվել է փախչել առանց վնասվածքների, սակայն հրդեհը վնասել է գույքը։

Երբ դեպքի վայր են ժամանել ոստիկանությունն ու շտապօգնությունը, կինը թքել է ոստիկանի երեսին։

Դատախազ Դեյվիդ Հոլը դատարանին բացատրել է, որ Պեկիթը խանդել է տղամարդուն նրա վարքի պատճառով։ Հոլն ընդգծել է, որ կինը հստակ մտադրություն ուներ վնասելու այն տղամարդուն, ում համարում էր դավաճան։ Իսկ բրիտանացի Քրեյգ Լոուի փաստաբանը հայտնել է, որ կինը տառապում է բարդ հետտրավմատիկ սթրեսային խանգարումներով և հոգեկան առողջության հետ կապված այլ խնդիրներով։ 

Դատարանը Պեկիթին դատապարտել է վեց տարվա ազատազրկման։ Մինչեւ վաղաժամկետ ազատման հնարավորությունը դիտարկելը կինը պետք է կրի իր պատժի կեսը։