Սեքսապաթոլոգը բացատրել է, թե ինչպես ընտրել լավագույն ժամանակը սեքսի համար

Յուրաքանչյուր զույգի համար սեքսի լավագույն ժամանակը անհատական ​​է։ Դրա վրա ազդում են խառնվածքը, տարիքը, կենսապայմանները և այլ գործոններ։ Այս մասին Radio Sputnik-ի եթերում ասել է սեքսապաթոլոգ Կուլգավչուկը։

Նրա խոսքով՝ եթե մարդը ցերեկային ժամերին քրտնաջան աշխատել է, իսկ երեկոյան հոգնած է, նա մտերմություն չի ցանկանա, և դժվար թե սեռական հարաբերությունը «հարմարավետ» լինի: Հոգնած զուգընկերը կմտածի բիզնեսի մասին ու չի կարողանա հանգստանալ։ Սեքսում ավելի քիչ կլինի նախախաղը, ցանկությունը, դոֆամինային համակարգը ավելի վատ կաշխատի։ Եթե ​​այս հանգամանքը հաշվի չառնվի, սեքսը կդառնա անհետաքրքիր ու դժվարին, իսկ որոշ ժամանակ անց այն իսպառ կվերանա զուգընկերների կյանքից։

Առավոտյան սեքսը նույնպես հարմար չէ բոլորին, նշում է փորձագետը՝ զուգընկերը կարող է ցանկանալ քնել։ Ավելի լավ է սիրով զբաղվել հանգստյան օրերին՝ համեղ նախաճաշից ու որակյալ քնից հետո։ Կարելի է լոգանք ընդունել, իսկ հետո սիրելիի հետ «ուղղակի պառկել» անկողնում, առաջարկում է բժիշկը։ Ինքնաբուխ սեռական հարաբերությունը կդառնա առողջ սովորություն և տեղի կունենա նաև աշխատանքային օրերին։