Միլիոնատերը հրաժարվել է երեխաներին գումար կտակել և բացատրել է իր որոշումը

Բրիտանիացի միլիոնատերը հրաժարվել է գումար կտակել իր երեխաներին՝ նրանց հարստությամբ չծանրաբեռնելու համար։ Նա իր որոշումը բացատրել է Daily Star-ի հոդվածում։

51-ամյա Դեյվ Ֆիշվիկն իր հարստությունը վաստակել է միկրոավտոբուսներ վաճառելով: Նա թողել է ուսումը 16 տարեկանում և սկսել աշխատել՝ չավարտելով դպրոցը: 2008 թվականին նա հիմնադրել է Dave's Bank-ը և այդ ժամանակվանից ավելի քան 27 միլիոն ֆունտ ստեռլինգ վարկեր է տրամադրել անհատներին և ձեռնարկություններին:

Ֆիշվիկն ունի երկու երեխա՝ դուստր, ով աշխատում է կենդանիների բարեգործական կազմակերպությունում և որդի, ով աշխատում է ոստիկանությունում։ Չնայած երեխաների հետ լավ հարաբերություններին՝ միլիոնատերը չի ծրագրում նրանց գումար թողնել որպես ժառանգություն։ Փոխարենը, նա պատրաստվում է կտակել իր վաստակածն օգնության կարիք ունեցող մարդկանց։

Իր որոշումը նա բացատրել է նրանով, որ չի ցանկանում իր երեխաներին ցանկություններ ու ձգտումներ չունեցող պորտաբույծների վերածել։ «Առավոտյան արթնանալու նպատակ պետք է ունենաք: Սկզբում ես ունեի երեք աշխատանք և ոչ մի հարստություն: Կարևոր է, որ ունենաք աշխատանքային էթիկա, և կարծում եմ, որ քրտնաջան աշխատանքը հաջողության ճանապարհն է: Իմ երեխաները միշտ չէ, որ համաձայն են դրա հետ, բայց նրանք լավ երեխաներ են»,- ասել է Ֆիշվիկը։

Եզրափակելով՝ միլիոնատերը մարդկանց հորդորել է անել հասարակության համար նշանակալի գործեր և չվատնել իրենց կյանքը։

Այս թեմայով Տղամարդը միլիոնատեր է դարձել՝ լսելով կնոջ հեռախոսային խոսակցությունը Մարդը միլիոնատեր ա, Կենտրոնում ապրում ա, «Գելենվագեն» ա վարում, բայց մեզնից նպաստ ա ուզում (տեսանյութ) Գերհարուստ մարդիկ բողոքել են մեկ խնդրից. CNBC ՊՇՌ թեստի ինքնարժեքը 2000 դրամ է, բայց քաղաքացիները վճարում են 10-40 հազար. մարդկանց գրպանից պոկում են, միլիոնատեր դառնում. Վարդևանյան Ռուսաստանում մեկ օրվա ընթացքում գրեթե 600 միլիոնատեր է հայտնվել