Ինքնասպանության փորձեր և բռնաբարություն 13 տարեկանում. Արմի Համերն անկեղծ հարցազրույց է տվել սեքս-սկանդալից հետո

36-ամյա ամերիկացի դերասան Արմի Համերը պատասխանել է բռնաբարության, մարդակերության և սեռական ոտնձգությունների վերաբերյալ մեղադրանքներին, ինչպես նաև ասել է, որ ինքը սեռական ոտնձգության է ենթարկվել քահանայի կողմից։ «Կանչիր ինձ քո անունով» և «Ա.Ն.Կ.Լ. գործակալները» ֆիլմերի աստղը զրուցել է Air Mail-ի հետ, մեջբերում է TMZ-ն։

Համերը հերքել է բռնաբարության վերաբերյալ մեղադրանքը և խոստովանել, որ այն բանից հետո, երբ մի քանի կանայք հրապարակայնորեն հրապարակել են իր ոտնձգությունների և բռնությունների մասին, իր մոտ մահանալու ցանկություն է առաջացել: 

Համերի խոսքով՝ իրեն բռնաբարության մեջ մեղադրող աղջկա հետ ինքն իրականում համաձայնության էր եկել, որ «բռնաբարություն» են խաղալու՝ նախապես պլանավորելով և քննարկելով բոլոր մանրամասները՝ պատահական հանդիպում սրճարանում, հետապնդում տուն, ներխուժել բնակարան և սեռական հարաբերություններ։ .«Մենք ամեն ինչ նախապես քննարկել էինք։ Ես երբեք որևէ մեկին չէի ստիպի հանկարծակի նման բան անել, երբեք»,- վստահեցրել է նա։

Համերին ուղղակի կերպով հարցեր չեն տվել մարդակերության իր ֆետիշի մասին, այլ հարցրել են, թե արդյոք ինքը երբևէ հուզական բռնության է ենթարկել կանանց: «Դա միլիոն տոկոսով այդպես է: Ուզում եմ ընդունել իմ սխալները, պատասխանատվություն կրել այն բանի համար, որ ես ընչաքաղց եմ, եսասեր եմ, մարդկանց օգտագործում եմ իմ հաճույքի համար, իսկ երբ ստանում եմ իմը, անհետանում եմ»,- ասել է նա։

Վերջին երկու տարիների ընթացքում, շարունակել է դերասանը, ինքը շատ է աշխատել իր վրա։ Բացի այդ, նա խոստովանել է, որ իր սեքսուալության ձեւավորման վրա ազդել է այն, որ ինքը 13 տարեկանում սեռական ոտնձգության է ենթարկվել հոգեւորականի կողմից։