Զվարթնոց թաղամասում հրդեհ է բռնկվել

Փետրվարի 7-ին, ժամը 13:44-ին Արմավիրի մարզային ճգնաժամային կառավարման կենտրոն ահազանգ է ստացվել, որ Էջմիածին քաղաքի Զվարթնոց թաղամասի Արագածի փողոցում գտնվող ավտոտնակում հրդեհ է բռնկվել. ներսում ավտոմեքենա չկա: Այս  մասին հայտնում են ՀՀ ՆԳՆ-ից։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Հրդեհը մեկուսացվել է ժամը 14:08-ին, մարվել՝ 14:30-ին: Երկաթե ավտոտնակում այրվել են կենցաղային իրեր։