Մեքենան փախցնողը հայտնաբերվեց և ձերբակալվեց
Հասարակություն
Փետրվարի 8-ին, ժամը 20.45-ին, ՆԳՆ ոստիկանության Կոտայքի մարզի օպերատիվ կառավարման կենտրոն զանգած տղամարդը հայտնել էր, որ մոտ 40 րոպե առաջ Աբովյան քաղաքի «Օրիգինալ» սուպերմարկետի մոտից փախցրել են «Ռենո» մակնիշի մեքենան:
Ոստիկանության Կոտայքի բաժնի, ՊԾ Աբովյանի կարգախմբերի և Կոտայքի մարզի օպերատիվ կառավարման կենտրոնի ծառայողների համատեղ ձեռնարկած միջոցառումների արդյունքում ժամը 21.20-ին Աբովյան քաղաքի Օգոստոսի 23-ի փողոցում հայտնաբերվել է նշված մեքենան: Փախցնողը մեքենայից իջնելով՝ փորձել է փախուստի դիմել, ինչը չի հաջողվել:
34-ամյա տղամարդը ձերբակալվել և, նշված մեքենայով հանդերձ, տարվել է ոստիկանության Կոտայքի բաժին:
Կազմված փաստաթղթերն ուղարկվել են Աբովյանի քննչական բաժին:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
