Հունահռոմեական ոճի ըմբիշները երևանյան հավաքին մարզվում են էստոնացի և հույն մարզիկների հետ
Սպորտ
Հայաստանի հունահռոմեական ոճի ըմբշամարտի հավաքականը ուսումնամարզական հավաք է անցկացնում Երևանում, որին մասնակցում են մարզիկներ Էստոնիայից և Հունաստանից:
Լրագրողների հետ զրույցում այս մասին ասաց Հայաստանի հունահռոմեական ոճի ըմբշամարտի հավաքականի գլխավոր մարզիչ Արմեն Բաբալարյանը: Երևանյան այս ուսումնամարզական հավաքին մասնակցում են մեծահասակների, երիտասարդների և պատանիների հավաքականների ներկայացուցիչները:
«Այս հավաքը կրում է տեխնիկատակտիկական բնույթ` շեշտը չենք դնելու ֆիզիկական վիճակի վրա: Առաջիկայում կմասնակցենք Ռյազան քաղաքի միջազգային մրցաշարին, ինչպես նաև Իրանում կայանալիք մրցաշարին, թիմային մասնակցություն կունենանք և Սոֆիայում կայանալիք մրցաշարին»,-ասաց մասնագետը:
Հավաքականի մարզչական շտաբը նպատակ ունի գրեթե բոլոր մարզիկներին միջազգային մրցաշարերում իրենց դրսևորելու հնարավորություն տալ:
Ուսումնամարզական հավաքը կեզրափակվի փետրվարի 15-ին:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
