Ամերիկուհուն ձերբակալել են դստեր շարադրության պատճառով
Այլ
ԱՄՆ բնակչուհուն ձերբակալել են այն բանից հետո, երբ նրա դուստրը դպրոցական շարադրությունում գրել է, թե ինչպես է մայրը տանը կրակել հոր վրա, գրում է New York Post-ը։
Թենեսի նահանգից 28-ամյա Կայդրա Ջոնսոնը ձերբակալվել է շերիֆի տեղակալների կողմից և մեղադրվել ամուսնու վրա հրազեն օգտագործելու մեջ, երբ նրա չորս երեխաները տանն են եղել: Ոստիկանությունն այս դրվագի մասին իմացել է այն բանից հետո, երբ զույգի դուստրերից մեկը դեպքի մասին պատմել է դպրոցական շարադրությունում։
«Մայրիկն ու հայրիկը վիճեցին։ Մայրիկը նրան ասաց, որ գնա, քանի որ շատ էր ծխում: Հայրիկը հարվածեց մայրիկի աչքին։ Մայրիկը մահճակալի տակից հանեց ատրճանակը։ Ես հյուրասենյակում էի, իսկ քույրերս ու եղբայրս՝ սենյակում։ Մայրիկն ատրճանակն ուղղեց հայրիկի վրա և երեք անգամ կրակեց։ Փամփուշտները դիպան պատին»,- ասվում է շարադրության մեջ։
Տունը զննելիս սպաներն իսկապես գնդակի մի քանի անցք են հայտնաբերել հյուրասենյակի, ննջասենյակի և միջանցքի պատերին։ Ջոնսոնը խոստովանել է, որ կրակել է իր ամուսնու վրա, սակայն ոստիկանությանը հայտնել է, որ դա տեղի է ունեցել միայն այն բանից հետո, երբ նա բռունցքով հարվածել է իրեն:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
