Հայ պարալեռնադահուկորդների նվաճումները՝ Իրանում կայացած մրցաշարում

Հայ պարալեռնադահուկորդներ Ստասիկ Նազարյանը, Հայկ Աբգարյանը, Տիգրան Գրիգորյանը և Էրիկ Գրիգորյանը մասնակցել են Իրանում կայացած պարալեռնադահուկի ազգային առաջնությանն ու նվաճել երեք մեդալ:

Հսկա ոլորավայրէջք ձևում հաղթող է ճանաչվել Ստասիկ Նազարյանը, իսկ Հայկ Աբգարյանը զբաղեցրել է երկրորդ տեղը։ Ոլորավայրէջք մրցաձևում Ստասիկ Նազարյանը կրկին ցույց է տվել լավագույն արդյունքը՝ նվաճելով երկրորդ ոսկե մեդալը: Հայաստանի դահուկային սպորտի ֆեդերացիան շնորհավորել է մարզիկներին և մաղթել նորանոր հաղթանակներ։