Սեքս բլոգերը բացատրել է երկարատև հարաբերություններում զուգընկերների արտաքին նմանությունը

«Ծանոթ լինելու էֆեկտ» կոչվող երեւույթը բացատրում է այն փաստը, որ շատ զույգերում զուգընկերները նմանվում են միմյանց։ Այս մասին News.com.ua-ի իր սյունակում խոսել է սեքս-բլոգեր Նադյա Բոկոդին։

Բոկոդին գրել է, որ հաճախ է մտածել, թե ինչպես են որոշ զույգերում զուգընկերները ներդաշնակորեն լրացնում միմյանց և միասին հիանալի տեսք ունեն։ Ընդ որում, մարդիկ, ովքեր երկար ժամանակ հարաբերությունների մեջ են, արտաքուստ նմանվում են միմյանց։ Հոդվածագիրը նշել է, որ դա մի քանի բացատրություն ունի։

«Գիտության մեջ կան բազմաթիվ տեսություններ, թե ինչու է դա տեղի ունենում, բայց ամենահայտնի բացատրություններից մեկը ծանոթ լինելու էֆեկտն է: Այն ասում է, որ մենք հակված ենք նախընտրելու այն բաները, որոնք մեզ ծանոթ են թվում։ Որքան շատ ենք հանդիպում ինչ-որ բանի (օրինակ՝ մեր սեփական արտացոլմամբ), այնքան ավելի հեշտ և հաճելի է մեր ուղեղի համար այն մշակելը»,- բացատրել է Բոկոդին որոշ զույգերի արտաքին նմանությունը։

Այսպիսով, մի ուսումնասիրության ժամանակ մարդկանց խնդրել են գնահատել ցուցադրված 84 կանացի դեմքերի գրավչությունը: Դիմանկարներից մի քանիսը խմբագրվել են, որպեսզի ներառեն հարցման մասնակիցներին ծանոթ հատկանիշներ: Մասնակիցները ծանոթ հատկանիշներով դեմքերին ավելի բարձր գրավչության գնահատական են տվել: Բայց բացահայտվել է նաև մեկ այլ օրինաչափություն՝ մի քանի անգամ ցուցադրված դեմքերը սկսել են գրավիչ թվալ։

«Սա բացատրում է, թե ինչու նա, ում մենք համակրելի ենք համարում առաջին ժամադրության ժամանակ, կանոնավոր հանդիպումներից հետո, կարող է դառնալ սեռական ցանկության առարկա», - ասել է սեքս բլոգերը: