Թուրքիայում երկրաշարժից հետո տեղի է ունեցել ավելի քան 2000 հետցնցում (լուսանկարներ)

Թուրքիայի հարավ-արևելքում ավերիչ երկրաշարժից հետո ավելի քան 2000 հետցնցում է տեղի ունեցել և շարունակում է տեղի ունենալ։ Այն խլել է ավելի քան 20 000 մարդու կյանք: Այս մասին ճեպազրույցի ժամանակ հայտարարել է Թուրքիայի Արտակարգ իրավիճակների կառավարման ռիսկերի նվազեցման վարչության գլխավոր տնօրեն Օրհան Թաթարը, գրում է Milliyet-ը։ Այդ հետցնցումների ճնշող մեծամասնությունը եղել է 4 մագնիտուդից բարձր:

Փետրվարի 6-ի առավոտյան Թուրքիայում տեղի է ունեցել 7,7 մագնիտուդ ուժգնությամբ երկրաշարժ, որն, ըստ նախագահ Ռեջեփ Թայիփ Էրդողանի, ամենաուժեղն է եղել 1939 թվականից ի վեր: Նույն օրը 7,6 մագնիտուդ ուժգնությամբ ևս մեկ երկրաշարժ է տեղի ունեցել։ Դրանից հետո հետցնցումներ են գրանցվել Սիրիայում, Իրանում և տարածաշրջանի մի շարք այլ երկրներում։

Վերջին տվյալներով՝ Թուրքիայում աղետի զոհ է դարձել ավելի քան 20 հազար մարդ, վիրավորվել՝ ավելի քան 80 հազարը։